எழுதியவர் : காதிமுல் கவ்மி, அஷ்ஷெய்க்
மௌலவீ அல்ஹாஜ். ஏ. அப்துர் றஊப் மிஸ்பாஹீ, ஜே.பி
மனிதர்களில் ஒரு அரசன் தனது ஆட்சிபீடத்திலிருப்பது போல் அல்லாஹ்வும் “அர்ஷ்” என்ற இடத்தில் ஆட்சி செய்து கொண்டிருக்கின்றான் என்பதேயாகும். இதற்கு ஆதாரமாக
 |
| ஞானபிதாவும் அவர்களின் கலீபாவும் |
..قد استوى بشر على العراق
பிஷ்று என்பவன் இறாக் நாட்டில் ஆட்சி செய்து கொண்டிருக்கின்றான் என்ற கவிஞனின் கூற்றை ஆதாரமாகக் கூறுகின்றார்கள்.
திருகுர்ஆனிலும், நபீ மொழிகளிலும் “இஸ்தவா” என்பது அல்லாஹ்வின் திருநாமங்களில் “றஹ்மான்” என்ற திருநாமத்துடன் மட்டும் இணைந்து வந்துள்ளதற்கான காரணம் என்னவெனில் அல்லாஹ் நம்மைப் படைத்துக் கொண்டு நமக்கு “றஹ்மத்” அருள் செய்வதை நாடியுள்ளான் என்பதை நமக்கு தெளிவுபடுத்துவதேயாகும்.
அவன் நம்மில் ஒவ்வொறுவருக்கும் பொருத்தமான வகையில் அருள் செய்து கொண்டேயிருக்கிறான். சிலருக்கு உதவி செய்து அருள் செய்கிறான்.இன்னும் சிலருக்கு தண்டனையைப் பிற்படுத்தி அருள் செய்கின்றான். இன்னும் சிலருக்கு தண்டனை வழங்காமலேயே அருள் செய்கின்றான்.
இதனால்தான் "றஹ்மான்" என்ற திருநாமம் ஆட்சிபீடத்திலமர்ந்து சட்டத்தை அமுல் செய்வதற்கு சிறந்த திருநாமமாக ஆயிற்று. இதையடுத்து “அர்றப்பு” திருநாமமாகும்.
இதனால்தான்
...ينزل ربنا إلى السماء الدنيا
எங்களின் இரட்சகன் முன்வானத்தளவில் இறங்குகின்றான் என்ற நபீ மொழியில் “அர்றப்பு” என்ற திருநாமம் வந்துள்ளது.
அல்லாஹ், தான் அர்ஷில் இருப்பதாக எமக்கு அறிவித்திருப்பதிலுள்ள தாற்பரியம் என்னவெனில் அவன் தனது அடியார்களுக்கு வழியை நெருக்கமாக்கியும், இலகுவாக்கியும் கொடுப்பதேயாகும். ஒர் அரசன் தனது ஆட்சிக்குட்பட்ட மக்கள் தமது தேவைகளை முடித்துக் கொள்வதற்காக தன்னை நாடி வர வேண்டுமென்று தனக்கென்று ஒர் இடத்தை அமைத்துக் கொள்வது அவ்வரசன் அம்மக்களுக்குச் செய்யும் பேருபகாரமாகும்.
அவன் அவ்வாறு செய்யாவிட்டால் அவனை கொண்டு ஒரு தேவையை முடித்துக் கொள்ள நாடுபவர்களுக்குச் சிரமம் ஏற்பட்டுவிடும். அவர்கள் அவனைதேடி அலைய வேண்டியேற்படும். இதைத் தவிர்ப்பதற்காக அரசன் தனக் கென்று ஒரு இடத்தை கதிரையை அல்லது சிம்மாசனத்தை அமைத்துக் கொண்டாலும் அதில் அவன் அமர்ந்திருக்க வேண்டுமென்பது அவசியமில்லை.
அதில் அவன் அமர்ந்திருக்காவிட்டாலும் கூட அது அவனின் சிம்மாசனமேதான். இதேபோல் “அர்ஷ்” என்ற அல்லாஹ்வின் சிம்மாசனத்தில் அவன் அமர்ந்திருக்க வேண்டுமென்பது அவசியமில்லை. அவன் அதில் அமர்ந்திருக்காவிட்டாலும் அது அவனின் சிம்மாசனமேதான். இவ்வுதாரணம் புத்திகுறைந்தவர்களின் நலன் கருதிக் கூறப்பட்டதாகும்.
சகோதரா! நீ அறிந்துகொள்! “அர்ஷ்” என்ற இடத்தில் அல்லாஹ் இருக்கிறான் என்பதும், அவன் முன் வானத்துக்கு இறங்குகிறான் என்பதும், அவன் மேல் திசையிலுள்ளான் என்பதும் “கதீம்” பூர்வீகமானவையாகும். “அர்ஷ்” என்பது “ஹாதிது” புதிதானதேயன்றி அது பூர்வீகமானதல்ல.
அல்லாஹ் அர்ஷையும், வானத்தையும் படைப்பதற்கு முன்னரே “இஸ்திவாஉ” இருத்தல், அதிகாரம் செய்தல் கொண்டும், முன்வானத்தளவில் இறங்குதல் கொண்டும் அறியப்பட்டவனாகவும் வருணிக்கப்பட்டவனாகவும் உள்ளான்.
எதுபோலென்றால் அவன் எந்தவொரு படைப்பையும் படைப்பதற்கு முன்னரே “றாசிக்” உணவளிப்பவனாயும், “காலிக்” படைப்பவனாயுமிருப்பதுபோன்று படைப்பு இல்லாதபோது அவன் “காலிக்” படைப்பனாக இருப்பது போலும், உணவளிக்கப்பட்டது இல்லாதபோது அவன் உணவளிப்பவனாக இருப்பது போலும் அவன் அர்ஷைப் படைப்பதற்கு முன்னரே “இஸ்திவாஉ” கொண்டு அறியப்பட்டவனாகவும். வானத்தைப் படைப்பதற்கு முன்னரே “நுசூல்” இறங்குதல் கொண்டு அறியப்பட்டவனாயுமுள்ளான்.
ஆகையால் “அர்ஷ்” படைக்கப்படுமுன் அவன் எதில் இருந்தான்? வானம் படைக்கப்படுமுன் அவன் எந்தளவில் இறங்கினான்? எனவே சகோதரா! “அர்ஷ்” என்பதைப் படைப்பதற்கு முன் அவன் எங்கே இருந்தான் என்றும், வானத்தைப் படைப்பதற்கு முன் அவன் எதனளவில் இறங்கினான் என்றும் சிந்தனை செய்துபார்!.
அஷ்ஷெய்கு அபூதாஹிர் அல்கஸ்வீனீ (றஹ்) அவர்களின் “ஸிறாஜுல்உகூல்” என்ற நூல் மூன்றாம் பாடத்தில் “இஸ்திவாஉ” தொடர்பாக எழுப்பட்டுள்ள கருத்துக்களை இங்கே எழுதுகின்றேன்.
அல்லாஹ் பூமியிலிருந்து பூமியில் எங்களைப் படைத்தான். எங்களுக்கு மேல் ஆகாயத்தைப் படைத்தான் ஆகாயத்துக்கு மேல் தட்டை தட்டையாக ஆகாயங்களைப் படைத்தான். வானங்களுக்கு மேல் “குர்ஸி” என்ற இடத்தைப் படைத்தான் அதற்கு மேல் படைப்புக்களில் மிகவும் வலுப்பமான “அர்ஷ்” என்ற இடத்தைப் படைத்தான். அதற்கு மேல் எதையும் படைத்தாக திருக்குர்ஆனிலோ, நபீ மொழிகளிலோ காணப்படவில்லை.
......الرحمن على العرش استوى என்ற அல்லாஹ்வின் பேச்சுக்குரிய பொருள் என்னவெனில் “அர்ஷ்” என்ற படைப்போடு அல்லாஹ் படைத்தலை நிறைவு செய்து விட்டான் என்பதாகும். “இஸ்தவா” என்ற சொல்லுக்கு إستتم “இஸ்ததம்ம” பூரணப்படுத்தினான்- நிறைவு செய்தான் என்று பொருள் கொள்ள வேண்டும்.
அதாவது الشيئ كمل أجزائه ஒரு வஸ்த்தின் பகுதிகளைப் பூரணப்படுத்தினான் என்று கருத்துக் கொள்ளுதல் வேண்டும். அர்ஷுக்கு வெளியே அவன் எதையும் படைக்கவில்லை. அவன் உலகில் படைத்த, படைக்கப்போகின்ற அனைத்தும் இன்னும் மறு உலகில் அவன் படைக்கவுள்ள யாவும் “அர்ஷ்” என்ற வட்டத்திற்குட்பட்டதேயன்றி அதற்குப் புறம்பானதல்ல.
“அர்ஷ்” என்பது சர்வ படைப்புக்களையும் உள்ளடக்கிய ஒன்றாகும். உண்மை இவ்வாறிருக்க “அர்ஷ்” என்ற இடத்தில் அல்லாஹ் இருப்பதென்பது எங்ஙனம் சாத்தியம்? “இஸ்தவா” என்ற சொல்லுக்கு “இஸ்ததம்ம” பூரணப்படுத்தினான் என்ற பொருள் திருகுர்ஆனின் ஆதாரம் கொண்டு நிறுவப்பட்டதாகும்.
திருகுர்ஆன் வசனத்திற்கு திருகுர்ஆன் வசனம் கொண்டே விரிவுரை சொல்வது மிகப் பொருத்தமானது. அந்த அடிப்படையில் பின்வரும் விளக்கம் அமைகிறது. அல்லாஹ் திருகுர்ஆனில்
ولما بلغ أشده واستوى என்று கூறியுள்ளான்.
இங்கு இஸ்தவா என்ற சொல் கையாளப்பட்டுள்ளது. அவர் வாலிப்தை அடைந்து வாலிபம் பூரணமானபோது – அவர் நிறைவு நிலைபெற்றபோது
...آ تيناه علما وحكمة وكذالك نجزى المحسنين
அவருக்கு ஞானத்தையும், கல்வியையும் நாம் வழங்கினோம். இவ்வாறே நன்மை செய்வோருக்கு கூலி வழங்குவோம்.
அத்தியாயம் – 28
வசனம்- 14
குறிப்பு
இவ்வசனத்தில் வந்துள்ள “இஸ்தவா” என்ற சொல்லுக்கு அவர் நிறைவு நிலையைப் பெற்றபோது- அவரின் வாலிபம் பூரணமான போது என்பது பொருள். இந்த இடத்தில் அதற்கு இருந்தான், அமர்ந்தான், தரிபட்டான் என்று பொருள் கொள்ள முடியாது. அவ்வாறு பொருள் கொண்டால் திருவசனத்தில் கருத்து அமையாது, பொருந்தாது. இச்சொல்லுக்கு இருந்தான்- அமர்ந்தான் தரிபட்டான் என்று பொருள் கொண்டு
.. الرحمن على العرش استوى.
என்ற வசனத்திற்கு அல்லாஹ் அர்ஷில் அமர்ந்தான், இருந்தான் என்று பொருள்கூறி மட்டுப்படுத்தவும் கட்டுப்படுத்தவும் முடியாத அல்லாஹ்வை அர்ஷில் மட்டுப்படுத்தியும் கட்டுப்படுத்தியும் வருகின்ற சவூதி நாட்டைச் சேர்ந்த வஹ்ஹாபிகள் கூட தாம் மொழிபெயர்த்துள்ள திருகுர்ஆன் மொழிபெயர்ப்பில் மேற்கண்ட சொல்லுக்கு (அவர் நிறைவு நிலைபெற்றபோது) என்றே மொழி பெயர்த்துள்ளார்கள்.
“இஸ்தவா” என்ற சொல்லுக்கு அமர்ந்தான் என்ற அர்த்தம் கொண்டு மேற்கண்ட திருவசனத்திற்கு அல்லாஹ் அர்ஷில் அமர்ந்தான் என்று பொருள்கூறும் வஹ்ஹாபிகள் இந்த இடத்தில் அதே சொல்லுக்கு இவ்வாறு பொருள் எழுதியிருப்பது வியப்பான ஒன்றாகும்.
இந்த இடத்தில் அந்தச் சொல்லுக்கு அமர்ந்தான் என்று பொருள் கொள்வது பிழையென்பது அவர்களுக்குத் தெரிந்ததே இங்கு இவ்வாறு பொருள் கொள்ளும் வஹ்ஹாபிகள்
الرحمن على العرش استوى என்ற வசனத்தில் வந்துள்ள “இஸ்தவா” என்ற சொல்லுக்கு மட்டும் அமர்ந்தான் என்று பொருள் வைத்துக்கொண்டு அல்லாஹ் அர்ஷில் அமர்ந்துள்ளான் என்று குரங்குப்பிடி பிடிப்பதேனோ!
இன்னும் 48ம் அத்தியாயம் 29ம் வசனத்தில்
كزرع أخرج شطئه فآزره فا ستغلظ فا استوى على سوقه என்று அல்லாஹ் கூறியுள்ளான். இவ்வசனத்திலும் இஸ்தவா என்ற சொல் கையாளப்பட்டுள்ளது.
“ஒரு பயிரைப் போன்றதாகும். அது தன் முளையை வெளிப்படுத்திப் பின்னர் அதைப் பலப்படுத்துகின்றது. பின்னர் அது கனமாகின்றது. பின்னர் அது தன் தண்டின் மீது பூரணமாகின்றது.”
இவ்வசனத்தில் வந்துள்ள “இஸ்தவா” என்ற சொல்லுக்கு பூரணமாகின்றது என்று பொருள் கொள்ள வேண்டும்.
இச்சொல்லுக்கு அமர்ந்தான் என்று பொருள் கொண்டு அல்லாஹ் அர்ஷில் இருக்கின்றான் என்று கருத்துக்கூறும் வஹ்ஹாபிகள் கூட தமது திருகுர்ஆன் மொழிபெயர்ப்பில் நிமிர்ந்து நிற்கின்றது என்றே மொழிபெயர்ப்புச் செய்துள்ளார்கள். ஓர் இடத்தில் இச்சொல்லுக்கு அமர்ந்தான் என்றும், இன்னோர் இடத்தில் நிமிர்ந்து நின்றது என்றும் பொருள்கூறும் வஹ்ஹாபிகள். காலப்போக்கில்
الرحمن على العرش استوى...
என்ற திருவசனத்திற்கு அல்லாஹ் அர்ஷில் நிமிர்ந்து நின்றான் என்று மொழிபெயர்ப்புச் செய்வதிலும், நெடுங்காலம் அமர்ந்திருந்த அல்லாஹ்வுக்கு இடுப்பு வலி வந்ததால் நிமிர்ந்து நின்றான் என்று அதற்கு காரணம் கூறுவதிலும் வியப்பில்லை.
كزرع أخرج شطئه - ولما بلغ أشده واستوى .
என்ற இருவசனங்களிலும் வந்துள்ள “இஸ்தவா” என்ற சொல்லுக்கு பூரணமானது என்றே மொழிபெயர்ப்புச் செய்தல் வேண்டும்.
ولما بلغ أشده واستوى என்ற வசனத்தில்..إستتم شبابه
அவரின் வாலிபம் பூர்த்தியானபோது என்றும்,
..... كزرع أخرج. என்ற வசனத்தில்....إستتم ذالك الزرع وقوى
அந்தப் பயிர் பூர்த்தியாகிப் பலமானபோது என்றும் பொருள் கொள்ளல் வேண்டும்.
திருகுர்ஆனின் ஒரு வசனம், அல்லது நபீ மொழிகளில் ஒன்று பிரச்சினைக்கும், சந்தேகத்திற்கும், ஆட்சேபனைக்கும் இடமில்லாத கருத்துக்குச் சாத்தியமானதாயிருந்தால் அதற்கு அந்தக் கருத்து மட்டுமே கொள்ளல் வேண்டும்.
மாறாக பிரச்சினையையும், சிக்கலையும் ஏற்படுத்தக்கூடிய கருத்தின் பக்கம் செல்லுதல் கூடாது. ஆயினும் மனித மனம் பிரச்சினையான விடயங்களின் பக்கம் செல்வது அதன் இயற்கையாகிவிட்டது.
“இஸ்திவாஉ” தொடர்பாக முன்னோர்களும், பின்னோர்களும் பல்வேறு கருத்துக்களைக் கூறியுள்ளார்கள். சடவாதிகளோ உண்மை புரியாமல் மேற்கண்ட (அல்லாஹ் அர்ஷில் அமர்ந்துள்ளான்) என்ற வசனத்தை ஆதாரமாகக் கொண்டு அல்லாவுக்கு சடமிருப்பதாகக் கூறி அவனை சடத்தில் கட்டுப்படுத்தி வழி தவறிவிட்டார்கள்.
இது தொடர்பாக ஒருவர் மற்றவரை “காபிர்” என்றும், வழிகேடன் என்றும் சொல்லத் தொடங்கிவிட்டார்கள். அதோடு அடிதடி, ஏச்சுப்பேச்சு, கொலை, கொள்ளை, கீழ்தரமான வார்தைகள் கொண்டு ஒருவர் மற்றவரை இழிவு படுத்தல் போன்றவையும் ஏற்பட்டுள்ளன.
..... الرحمن على العرش استوى
என்ற திருவசனம் சடவாதிகளின் வாதத்துக்கு அப்பாற்பட்டது.
. الرحمن على العرش استوى. என்ற திருவசனம் திருகுர்ஆனில் ஆறு இடங்களில் வந்துள்ளது.
.ن ربكم الله الذي خلق السماوات والأرض فى ستتة أيام ثم استوى على العرشإ
நிச்சயமாக உங்களின் “றப்பு” இரட்சகன் அல்லாஹ் ஆவான். அவனே வானங்களையும், பூமியையும் ஆறு நாட்களில் படைத்து பின்னர் அர்ஷின் மீது பூரணப்படுத்தினான்- ஆட்சி அதிகாரமுள்ளவனானான்.
அத்தியாயம் -07
வசனம் – 54
... ن ربكم الله الذي خلق السماوات والأرض فى ستتة أيام ثم استوى على العرشإ
நிச்சயமாக உங்களின் “றப்பு” இரட்சகன் அல்லாஹ் ஆவான். அவனே வானங்களையும், பூமியையும் ஆறு நாட்களில் படைத்து பின்னர் அர்ஷின் மீது பூரணப்படுத்தினான்- ஆட்சி அதிகாரமுள்ளவனானான். சகல காரியங்களையும் அவனே நிர்வகித்து வருகின்றான்.
அத்தியாயம் – 10
வசனம் – 03
தொடர்ந்து வரும்...
அல்லாஹ் எங்கே இருக்கின்றான்? இதற்கு முந்திய பாகங்களைப் படிக்க...
Posted in: Article
