பாக்கியம் கேட்கின்றேன்!

அதிசங்கைக்குரிய அஸ்ஸெய்கு முகம்மது புஹாரி நல்ல கோயாத்தங்கள் மௌலானா வாப்பா அவர்களின் 56 பிறந்த தினத்தையொட்டி 31.01.2014 அன்று எழுதிய கவிதை

பாக்கியம் கேட்கின்றேன்!

வாழ்த்துக்கள் சொல்ல

வார்த்தைகள் இல்லையே!

வாழ்த்துகின்ற நாவுக்கும்

வக்கேதும் இல்லையே!

-----

புண்ணிய நபீ பேரர்

பூமியின் சுவர்கமே!

தங்களை - காண்பது பாக்கியம்

கண்டது- 

பாக்கியம்!  பாக்கியம்!

-----

கண்ணூரார் வாரிசை

கண்ணாக காண்கின்றோம்

திரு நபீயின் பேரரை

திரவியமாய் போற்றினோம்!

------

சுவர்கத்தின் வாடயை

ஒரு துடிநேரம் உணரவே

திரு நபீயின் ஷபாஅத்தை

இந்த- 

துஸ்டனுக்கு அருள்வீரோ?

-----

நானறிந்த சொல்லெல்லாம்

நாவெடுத்துப் பார்க்கின்றேன்

நாதரே உம் பெருமை

இந்த நாலெழுத்தில் அடங்குமோ?
-----

வாழ்த்த வந்தவன்

வளமிழந்து நிற்கின்றேன்!

வடிகின்ற கண்ணீரை

காணிக்கையாய் கேட்கின்றேன்

வள்ளளே!

தங்கள் அருகிருக்கும்

பாக்கியம்

ஈருலகிலும் தருவிரோ?

-----

அகமியத்துக்காக 

-பைசான் மதீனா.-